ஈர்ப்புவிதி_நன்றியுணர்வு..

"நமது எண்ணங்களின் விளைவு தான் நாம் வாழும் இன்றைய நிலை."

நம்முடைய எண்ணங்கள் எப்படி உள்ளதோ அதன்படிதான் நம் வாழ்க்கையும் அமைத்துள்ளது என்பதை நம்முடைய முந்தைய கால அனுபவங்களைக் கவனிப்பதன் மூலமாகப் புரிந்துகொள்ளலாம்.  

இதுவரை நமது எண்ணங்கள் எப்படி இருந்துள்ளது என்பதை சிந்தித்துப் பாருங்கள்.

நம்முடைய எண்ணங்கள் பெரும்பாலும் இவர்கள் ஏன் இப்படி உள்ளார்கள்? இது ஏன் இப்படி நடக்கிறது? நமக்கு மட்டும் ஏன் இந்த நிலை? நான் நல்லதைத் தானே நினைக்கிறேன் பிறகு எனக்கு ஏன் இப்படி நடக்கிறது? என்பது போன்ற எண்ணங்கள் தான் அதிகமாக ஓடியது/ஓடுகிறது.

இதன் விளைவு தான் நாம் இன்று சந்திக்கும் பயம், கோபம், கவலை போன்ற மன அழுத்தங்கள் மற்றும் பல சிக்கல்களுக்கான காரணங்கள். 

இதைப் புரிந்துகொண்டு இதை அப்படியே மாற்றி சிந்திப்பது தான் இதற்கான சரியான தீர்வாக இருக்கும். 

முள்ளை முள்ளால் தானே எடுக்க முடியும்...?

எல்லாம் நன்மைக்கே!

எல்லோரும் நல்லவர்களே!

நமக்கு நடக்கும் அனைத்தும் நமது நன்மைக்காகத் தான் நடக்கிறது. என்பது போன்ற எண்ணங்களை நமக்குள் நாம் உருவாக்க வேண்டும். 

இதுபோன்ற எண்ணங்களை நமக்குள் எப்படி நம்மால் உருவாக்க முடியும் தெரியுமா? 

அதற்குத்தான் "நன்றியுணர்வு" உதவி செய்கிறது. 

நம்மை சுற்றி இருப்பவர்கள் மீது, நமக்கு உதவியாக இருப்பவர்கள் மீது எனத் தொடங்கி, நபர்கள், பொருட்கள் என நம்மை சுற்றி இருக்கும் அனைத்தின் மீதும் நாம் நன்றியுணர்வுடன் இருக்க வேண்டும்.

நீங்கள் எதன் மீதெல்லாம் நன்றிக்கடன் பட்டுள்ளீர்கள் என்பதைப் பட்டியலிடுங்கள். அது நம்மைச் சுற்றியுள்ள அனைத்திற்கும் நன்றிக்கடன் பட்டுள்ளோம் என்றே இருக்கும். 

அப்படி இருந்தால் மட்டுமே நீங்கள் சரியானதொரு நன்றியுணர்வுப் பட்டியலை தயார் செய்துள்ளீர்கள் என்று பொருள். 

ஏனென்றால், நல்லது கெட்டது என நம் வாழ்க்கையில் இதுவரை நடந்தேறிய அனைத்துமே நமக்கு ஏதேனும் ஒரு வகையில் உதவியாகவே இருந்திருக்கும்.

நன்மைகள் நமக்கு மகிழ்ச்சியைக் கொடுத்திருக்கும் மற்றும் தீமைகள் நமக்கு அனுபவப் பாடமாக அமைந்திருக்கும் என ஏதேனும் ஒரு வகையில் அனைத்துமே நமக்கு இதுவரை உதவியாகவே இருந்துள்ளது என்பதை உணரலாம். 

எனவே, அனைத்தின் மீதும் நன்றியுணர்வுடன் வாழக் கற்றுக்கொள்ளலாம். அது நம் வாழ்க்கையை அர்த்தமுள்ளதாக மாற்ற உதவும்.

பேரன்புடன்...❤️