Skip to main content

அதிக பெண் ஆசிரியர்கள் கொண்ட மாநிலங்களில் தமிழ்நாடு 2-ம் இடம்: UDISE+ ஆய்வறிக்கை பகுதி-1

 


மத்திய அரசு சமீபத்தில் இந்தியப் பள்ளிக் கல்வித்துறையின் 2019-20-ம் ஆண்டுக்கான 'கல்வி ப்ளஸ் ஒருங்கிணைந்த தகவல் முறை' (UDISE+) என்ற ஆய்வறிக்கையை வெளியிட்டது. இந்த ஆய்வறிக்கையில் மாநில வாரியாக இந்திய பள்ளிகளின் நிலை, மாணவ / மாணவியர்களின் சேர்க்கை விகிதம், ஆசிரியர்களின் எண்ணிக்கை, கல்வியின் தரம், இடைநிற்றல் விகிதம், கழிப்பறை வசதி என பல்வேறு வகையான தகவல்கள் இருந்தன.

அதில் இந்தியாவில் 22 சதவிகிதம் பள்ளிகளில் மட்டுமே இணைய வசதியும், 30 சதவீதத்துக்கும் குறைவான பள்ளிகளில் மட்டுமே கணினி வசதியும் உள்ளதென கூறப்பட்டுள்ளது. இந்தத்தகவல் கிடைத்ததை தொடர்ந்து மாணவர் சேர்க்கையிலும், ஆசிரியர்களின் எண்ணிக்கையும், கல்வியின் தரத்திலும், சுகாதாரத்திலும், தமிழ்நாடு மற்றும் பிற மாநிலங்களின் செயல்பாடு குறித்து விரிவாக அலசினோம். அதன்முடிவில் நமக்கு தெரியவந்த தரவுகள் பற்றி இங்கு விரிவாக காணலாம்.

மத்திய அரசு வெளியிட்டுள்ள ஆய்வறிக்கையின்படி, இந்தியாவில் 7,78,842 தொடக்கப் பள்ளிகள், 4,43,643 நடுநிலைப் பள்ளிகள், 1,51,489 உயர்நிலைப் பள்ளிகள், 1,33,734 மேல்நிலைப் பள்ளிகள் என மொத்தம் 15,07,708 பள்ளிகள் உள்ளன. அதில் தமிழ்நாட்டை சேர்ந்த பள்ளிகளின் எண்ணிக்கை மொத்தம் 58,897. இதில் 35,621 பள்ளிகள் தொடக்கப் பள்ளிகளாகவும், 9,392 பள்ளிகள் நடுநிலைப் பள்ளிகளாகவும், 5,788 பள்ளிகள் உயர்நிலைப் பள்ளிகளாகவும், 8,096 பள்ளிகள் மேல்நிலைப் பள்ளிகளாகவும் உள்ளன.


இந்தியாவில் அதிக பள்ளிகள் கொண்ட முதல் 5 மாநிலங்கள் பட்டியலில், உத்தரப் பிரதேசம் முதலிடத்தில் உள்ளது. அங்கு மொத்தம் 2,54,352 பள்ளிகள் உள்ளன. இதற்கு அடுத்தடுத்த இடங்களில் மத்தியப் பிரதேசம் (1,33,379 பள்ளிகள்), மகாராஷ்டிரா (1,10,229 பள்ளிகள்), ராஜஸ்தான் (1,06,240 பள்ளிகள்), மேற்கு வங்கம் (95,755 பள்ளிகள்) ஆகியவை உள்ளன.


இந்தியாவில் அரசுப் பள்ளிகளை மட்டும் கணக்கில் எடுத்துக் கொண்டால், மொத்தம் 10,32,570 அரசுப் பள்ளிகள் உள்ளன. அதிக அரசுப் பள்ளி கொண்ட மாநிலங்களுக்கான பட்டியலில் உத்தரப் பிரதேசம்தான் முதலிடத்தில் உள்ளது. இங்கு 1,37,638 அரசுப் பள்ளிகள் உள்ளன. புவிவியல் ரீதியிலும், மக்கள் தொகை அடர்த்தியிலும் உத்தரப் பிரதேசம் பெரிய மாநிலம் என்பது கவனிக்கத்தக்கது.




தமிழ்நாட்டில் 24,310 தொடக்கப்பள்ளிகள்; 7,024 நடுநிலைப் பள்ளிகள்; 3,135 உயர்நிலைப் பள்ளிகள்; 3,110 மேல்நிலைப் பள்ளிகள் உட்பட மொத்தம் 37,579 அரசுப் பள்ளிகள் உள்ளன.


3,37,499 தனியார்ப் பள்ளிகளைக் கொண்ட இந்தியாவில், 60,121 மேல்நிலைப் பள்ளிகள் உள்ளன. இதில், அதிகபட்சமாக, ராஜஸ்தானில் 1-ம் வகுப்பு முதல் 12-ம் வகுப்புவரை உள்ள பள்ளிகள் 8,407 பள்ளிகள் உள்ளன. தமிழ்நாட்டில் 3,460 பள்ளிகள் உள்ளன. தமிழ்நாட்டில் தனியார்ப் பள்ளிகளைப் பொருத்தவரை 12,382 பள்ளிகள் உள்ளன.


15 லட்சம் பள்ளிகளைக் கொண்ட இந்தியாவில் 96.8 லட்சம் ஆசிரியர்கள் பணிபுரிந்து வருகின்றனர். அதில், தொடக்கப்பள்ளியில் 24,99,645 ஆசிரியர்களும், நடுநிலைப் பள்ளியில் 28,98,091 ஆசிரியர்களும், உயர்நிலைப் பள்ளியில் 16,66,853 ஆசிரியர்களும், மேல்நிலைப் பள்ளியில் 26,22,988 ஆசிரியர்கள் என மொத்தம் 96,87,577 ஆசிரியர்கள் இந்தியாவில் பணிபுரிந்து வருகின்றனர்.

அதேபோல், 58 ஆயிரம் பள்ளிகளைக் கொண்ட தமிழ்நாட்டில், 5.62 லட்சம் ஆசிரியர்கள் பணிபுரிந்து வருகின்றனர். அதிக ஆசிரியர்கள் பணிபுரியும் மாநிலங்களின் பட்டியலை ஆய்வு செய்தால், உத்தரப் பிரதேசத்தில் 14 லட்சத்து 23 ஆயிரத்து 995 ஆசிரியர்கள் உள்ளனர். அதேபோல், மகாராஷ்டிராவில் 7.8 லட்சம் ஆசிரியர்களும், ராஜஸ்தானில் 7.7 லட்சம் ஆசிரியர்களும், பீகார், மத்தியப் பிரதேச மாநிலங்களில் 6 லட்சம் ஆசிரியர்களும் உள்ளனர்.


இந்தியாவில் உள்ள 96.8 லட்சம் ஆசிரியர்களில், 49.3 லட்சம் பேர் அரசுப் பள்ளிகளிலும், 8.2 லட்சம் பேர் அரசு உதவிபெறும் பள்ளிகளிலும், 36.02 லட்சம் பேர் தனியார்ப் பள்ளிகளிலும் பணிபுரிகின்றனர். மற்ற பிரிவுகளில் 3.25 லட்சம் ஆசிரியர்களும் பணிபுரிந்து வருகின்றனர். மொத்த ஆசிரியர் எண்ணிக்கையில் 47 லட்ச ஆண் ஆசிரியர்களும், 49 லட்ச பெண் ஆசிரியர்களும் இருக்கின்றனர்.

இதேபோல் தமிழ்நாட்டை எடுத்துக் கொண்டால், 5.6 லட்சம் ஆசிரியர்களில், 2.27 லட்சம் பேர் அரசுப் பள்ளிகளிலும், 77 ஆயிரம் பேர் அரசு உதவிபெறும் பள்ளிகளிலும், 2.53 லட்சம் பேர் தனியார்ப் பள்ளிகளிலும் பணிபுரிகின்றனர். மற்ற பிரிவுகளில் 4,552 ஆசிரியர்களும் பணிபுரிந்து வருகின்றனர்.

இந்தியப் பள்ளிகளில் அதிக பெண் ஆசிரியர்கள் இருக்கும் மாநிலங்களின் பட்டியலில் தமிழகம் 2-வது இடத்தில் உள்ளது. தமிழ்நாட்டில் 1.4 லட்சம் ஆண் ஆசிரியர்களும் - 4.2 லட்சம் பெண் ஆசிரியர்களும் உள்ளனர். அரசுப் பள்ளிகளில் பணியாற்றும் 2.27 லட்சம் ஆசிரியர்களில், 79,490 ஆண்களும், 1,47,816 பெண்களும் பணியாற்றுகின்றனர். முதலிடத்தில் இருக்கும் உத்தரப் பிரதேசத்தில் 6,42,959 பெண் ஆசிரியர்கள் உள்ளனர்.

கடந்த 2019-20 ஆண்டு மாணவர்கள் சேர்க்கையின்படி, இந்தியாவில் 26.45 கோடி மாணவ / மாணவியர் உள்ளனர். இதில், 13.7 கோடி ஆண்களும், 12.7 கோடி பெண்களும் அடங்குவர். தமிழகத்தைப் பொறுத்தவரை 68 லட்சம் மாணவர், 65.1 லட்சம் மாணவிகள் என 1.33 கோடி பேர் உள்ளனர்.


இந்தியாவில் அதிக மாணவ / மாணவிகள் உள்ள மாநிலங்களின் பட்டியலில், உத்தரப் பிரதேசத்தில் 4.58 கோடி மாணவ, மாணவிகளும்; பீகாரில் 2.53 கோடி மாணவ, மாணவிகளும்; மகாராஷ்டிராவில் 2.30 கோடி மாணவ, மாணவிகளும் உள்ளனர். பள்ளி வாரியாக எடுத்துக் கொண்டால், அரசுப் பள்ளிகளில் 1,30,931,634 பேரும், அரசு உதவிபெறும் பள்ளிகளில் 2,74,98,530 பேரும், தனியார் பள்ளிகளில் 9,82,09,302 பேரும், மற்ற பள்ளிகளில் 78,88,109 மாணவ, மாணவிகளும் உள்ளனர்.

இதில் தமிழகத்தில் அரசுப் பள்ளிகளில் 45,93,422 பேரும், அரசு உதவிபெறும் பள்ளிகளில் 22,25,308 பேரும், தனியார்ப் பள்ளிகளில் 64,15,398 பேரும், மற்ற பள்ளிகளில் 83,755 மாணவ, மாணவிகளும் உள்ளனர்.

தமிழகத்தில் அரசுப் பள்ளிகளில் படிக்கும் 45 லட்சம் பேரில், 22,14,892 பேர் மாணவர்கள், 23,78,530 பேர் மாணவிகள் என்பது குறிப்பிடத்தக்கது.



இந்தக் கட்டுரையில், இந்தியா மற்றும் தமிழகத்தில் உள்ள பள்ளிகளின் எண்ணிக்கை, ஆசிரியர்களின் எண்ணிக்கை, மாணவ / மாணவிகளின் எண்ணிக்கையைத் தெரிந்து கொண்டோம். அடுத்தக் கட்டுரையில், இந்தியா மற்றும் தமிழகத்தின் GER குறியீடு, மாணவர்களின் தேர்ச்சி விகிதம், தேர்ச்சிபெறாதோர் விகிதம், இடைநிற்றல் விகிதம், தக்கவைப்பு வீதம் போன்றவற்றைக் குறித்து விரிவாகக் காணலாம்.

Comments

  1. ஆணுக்கு பெண் இளப்பில்லை என்று ஆளும் காலத்திலும் பெண்ணை இழிவுப்படுத்தும் ஈனபிறவிகள் இருந்து கொண்டு தான் இருக்கிறார்கள்.

    ReplyDelete

Post a Comment

Popular posts from this blog

சிந்தனைச் சிதறல்..

மனம் ஒருமுகப்பட.. *காற்று ஒருமுகப்பட புயலாகிறது! மேகம் ஒருமுகப்பட மழையாகிறது.!  நீர் ஒருமுகப்பட நதியாகிறது!  நதி ஒருமுகப்பட கடலாகிறது!  மனம் ஒருமுகப்பட வெற்றி உருவாகிறது!  உங்களைக் கையாள மூளையைப் பயன்படுத்துங்கள்! மற்றவரைக் கையாள இதயத்தைப் பயன்படுத்துங்கள்!  இதயத்தைக் கவர்ந்துவிட்டு, எதைச் செய்தாலும், அது இணக்கமாகவே இருக்கும்.  வாயில் உதிரும் வார்த்தைகளை விட இதயத்திலிருந்து உதிரும் வார்த்தைகளால் அன்பு மலரும்! அன்பே ஆனந்தம் தரும்.*_ கோபம் ஒரு சுயதண்டனை, அடுத்தவர் செய்த தவறுக்கோ அல்லது அடுத்தவர் தவறு செய்திருக்கலாம் என்ற நிலையிலோ நமக்கு நாமே கொடுத்துக் கொள்கிற தண்டனைதான் கோபம்!  கோபத்தில் நடிப்பிருக்கலாம்! துடிப்பிருக்கக்கூடாது!*_  *உறவுகள் கூட நிலவைப் போன்று தான்..!* *"தூரத்தில்" இருக்கும் வரை* *ரசித்துக் கொண்டாடப்படும்..!!* *எதிர்பார்ப்பை* *குறைத்துக் கொள்ளுங்கள்..!* *ஏமாற்றத்தால் சோர்வடையத்* *தேவையில்லை..!!* *அன்று "வயதைப்"* *பார்த்து வந்தது..* *இன்று "வசதியைப்"* *பார்த்து தான் வருகிறது..!!* *"மரியாதை"* *செல்லும் பாதை*  *சரியானதாக இல்லாத போது..*

அமைதி..

நாட்டில் அவ்வப்போது ஏதாவது போட்டிகள் நடத்தி வெற்றி பெறுபவர்களுக்கு சன்மானம் அளிப்பது அந்த மன்னனின் வழக்கம். ஒரு முறை அமைதி என்றால் என்ன என்பது குறித்து தத்ரூபமான ஓவியம் வரைபவர்களுக்கு மிகச் சிறந்த பரிசு வழங்கப்படும் என்று அறிவித்தான். இதையடுத்து நாட்டின் முன்னணி ஓவியர்கள் அமைதியை பிரதிபலிக்கும் வண்ணம் தத்ரூபமான பல ஓவியங்களை வரைந்து அரண்மனைக்கு எடுத்து வந்தார்கள். மன்னன் ஒவ்வொரு ஓவியமாக பார்வையிட்டுக் கொண்டே வந்தான். அமைதியை ஒவ்வொரு ஓவியரும் ஒரு மாதிரி பிரதிபலித்து இருந்தார்கள். ஒருவர் அழகான ஏரியை வரைந்திருந்தார். ஒரு அழகிய மலையின் அடிவாரத்தில் அந்த ஏரி காணப்பட்டது. மலையின் பிம்பம் ஏரியில் பிரதிபலித்து பார்க்கவே ரம்மியமாக இருந்தது. மற்றொருவர் மலர்களை வரைந்திருந்தார். பார்த்தவுடனே பறிக்கத் தூண்டும் வகையில் அம்மலர்கள் தத்ரூபமாக இருந்தது. இப்படி ஒவ்வொருவரும் அமைதியை தங்களுக்கு தோன்றியவாறு ஓவியத்தில் பிரதிபலித்திருந்தனர். ஒரு ஓவியத்தில் ஒரு மலையின் மீதிருந்து ஆக்ரோஷமாக கொட்டும் நீர்வீழ்ச்சியின் படம் வரையப்பட்டிருந்தது. அதுமட்டுமா இடியுடன் மழை வேறு பொழிந்து கொண்டிருந்தது. இது அமைதியே அல்ல.

படித்ததில் பிடித்தது..

 கடவுளிடம் ஒரு விவசாயி கடுமையாகச் சண்டைக்குப் போனான். ”உனக்குப் பயிர்களைப் பற்றி என்ன தெரியும்? நீ  நினைத்தபோது மழையை அனுப்புகிறாய். தப்பான சமயத்தில் காற்றை வீசுகிறாய். உன்னால் பெரிய தொந்தரவாக இருக்கிறது. பேசாமல், இந்த வேலைகளை விவசாயி ஒருத்தனிடம் ஒப்படைத்துவிடேன்!” என்றான். கடவுள் உடனே,  “ அப்படியா? சரி.  இனிமேல் வெளிச்சம், மழை, காற்று எல்லாம் உன் கட்டுப்பாட்டிலேயே இருக்கட்டும்” என்று வரம் அருளிவிட்டுப் போய்விட்டார். விவசாயிக்கு சந்தோஷம் பிடிபடவில்லை. அடுத்த விதைப்பிற்கான பருவம் வந்தது. ”மழையே பெய்” என்றான். பெய்தது. நிறுத்தச் சொன்னபோது,  மழை நின்றது. ஈரமான நிலத்தை உழுதான். தேவையான வேகத்தில் காற்றை வீசச் செய்து,  விதையை தூவினான். மழை, வெயில், காற்று எல்லாமே அவன் சொன்ன பேச்சைக் கேட்டன. பயிர் பச்சைப்பசேல் என வளர்ந்தது. வயல்வெளியைப் பார்க்கவே மிகவும் ரம்மியமாக இருந்தது. அறுவடைக் காலமும் வந்தது. விவசாயி ஒரு கதிரை அறுத்தான். அதனை உதிர்த்து, திறந்து பார்த்தான். அதிர்ந்தான்.. உள்ளே தானியத்தைக் காணவில்லை, மிகச் சிறிய பதர்தான் இருந்தது. அடுத்தது, அதற்கடுத்தது என்று ஒவ்வொரு தானியக்கதிராக வெட்டி