தவற விட்டதை எல்லாம், தவறாமல் நினைவுபடுத்துகிறது காலம்..

ஒவ்வொருவருக்கும் வரும் பிரச்சனைகளை எதிர்கொள்ள அவர் அவர்களே தான் முடிவு செய்ய வேண்டும்....

அவர் பிரச்சனை சுமந்து கொள்வதற்காக அருகில் யாரும் இருக்கப் போவதில்லை

உன் பிரச்சனை என்ன நான் சமாளிக்கிறேன் என்று யாரும் கேட்டு வரப்போவதில்லை

இதில் உதவி என்பது உங்கள் உபத்திரவங்களை ஏற்றுக் கொள்வதற்கு எவருமே எந்தக் காலத்திலும் தயாராக இருப்பதில்லை ரத்த பாசத்தைத் தவிர ...

நமது உயிர் இருப்பையும்

நமது பாதையையும்

நமது வாழ்தலையும்

நாம் மட்டுமே தீர்மானிக்க முடியும் ...

நண்பராய் சில காலங்களுக்கு சில விஷயங்களுக்கு சில நேரங்களில் வரலாம் யாரும் நம்மோடு காலம் முழுவதும் நமது பயணத்தின் இறுதி வரை வரப்போவது இல்லை என்பது தான் நிதர்சனம்.

நமது செய்த செயல்களுக்கும் செய்கின்ற செயல்களுக்கும் அவர்கள் நீதிபதிகளாக சில தீர்ப்புகளை வழங்கி விட்டுச் செல்வார்கள்

ஆலோசனைகளை அள்ளி விடுவார்கள் இதை நீ அப்படி செய்திருக்கலாம் ....

இதை இப்படி செய்திருக்கலாம் ...

என்ற ஆலோசனைகள் 

பல ஆலோசனைகள் குழப்பங்கள் மிஞ்சிக் கடைசியில் தீர்வுக்கு நாம் தான் அலைய வேண்டும்.

அவரவர்கள் புத்திக்கும் ... அவரவர்கள் அறிவிற்கும் .... அவரவர்கள் அனுபவத்திற்கும் ஏற்ப அறிவுரைகளை அள்ளி வீசுவார்கள் என்பது தான் நிதர்சனம்...

எவரொருவர் இருக்கும் வரை நடிப்பவர்கள் நிறைய பேர் இருப்பார்கள் ..

இறந்து போனால்...  மறந்து போய் அடுத்த வேலையைப் பார்ப்பார்கள் என்பதை  , அவரவர்மனதில் ,

அவரவர் உள்மனதில் உணர முடியும் ...

அவர்களையும் இணைத்துத் தான் இந்த சமூக வாழ்வு நமக்குக் கட்டமைக்கப்பட்டுள்ளது 

உயிர் இருக்கும் போது  நம்மில் பலனை அனுபவிக்கும் எவரும் இறந்த பிறகு அந்தக் குடும்பத்திற்கு ஆறுதலாய் வாரத்தில் நாலு வார்த்தைகள் சொல்வதற்குக் கூட பயந்து போய் நகர்ந்து விடுவார்கள் என்பது தான் நாம் வாழும் சமுதாயத்தில் நடந்து கொண்டிருக்கிறது

வாழும் பொழுது நம்மையும் .. நம்மைச் சுற்றியும் .. நல்வழி , நல்லஎண்ணத்தோடு வாழ்ந்து விடுவோம்

வாழ்விற்குப் பிறகு என்ன என்பதைப் பற்றி கவலை வேண்டாம் வாழும் போது அன்போடும் .. அரவணைப்போடும் .... புன்முறுவலுடன் ... மகிழ்ச்சியோடும் ... எல்லோரையும் அரவணைத்து வாழ்வோம்  ...

இந்தப் பிரபஞ்சப் பேராற்றல் எல்லாவற்றையும் சமன் செய்து நல்வழிப்படுத்தும் ....

இதுவும் கண்ணெதிரில் தான் நடந்து கொண்டே இருக்கிறது...