படித்ததில் பிடித்தது..

பால்காரர் ஒருவர் தன் *பசுவை ஓட்டிக் கொண்டு* சாலையோரமாக வீட்டுக்கு வந்து கொண்டிருந்தார்.

அமைதியாக நடந்து வந்துகொண்டிருந்த *பசு திடீரென அடம்பிடித்து நடு சாலையில் அமர்ந்து கொண்டது.*

அகலம் குறைந்த அந்த சாலையில் சைக்கிள், பைக் தவிர வேறு எந்த வாகனங்களும் செல்லமுடியாதபடி பசு நடுசாலையில் படுத்திருந்தது.

*பால்காரர் எவ்வளவு முயற்சி செய்தும் அந்த பசுவை இம்மியளவும் நகர்த்த முடியவில்லை.*

அந்த வழியாக ஒரு போலீஸ்காரர் வந்தார்.

*தன்னுடைய முரட்டு மீசையையும் கையிலிருந்த லத்தியையும் வைத்து மிரட்டிப் பார்த்தார். 

பால்காரரோடு சேர்ந்து பசுவை இழுத்துப் பார்த்தார்.

பசு அசையவில்லை.*

அப்போது ஐஸ்கிரீம் விற்கும் நபர் ஒருவர் அந்த வழியாக வந்தார். குளிர்ச்சியாகப் பேசிப்பார்த்தார்.

நகராமல் நின்ற *பசுவை மூவரும் சேர்ந்து இழுத்தனர். முயற்சிகள் தோல்வியில் தான் முடிந்தது.*

மல்யுத்த போட்டியொன்றில் வெற்றி பெற்று திரும்பிக் கொண்டிருந்த வீரர் ஒருவர் அந்த வழியாக வந்தார்.

ஒரு பசுவை சாலையிலிருந்து நகர்த்த மூன்று பேர் செய்து கொண்டிருக்கும் முயற்சிகளைப் பார்த்து நகைத்தார்.

*மூன்று பேரையும் நகரச் சொல்லி விட்டு மல்யுத்த வீரர் தனித்து மாட்டை இழுத்துப் பார்த்தார். பசு அசரவில்லை.*

*அந்த வழியாக ஒரு சிறுவன் வந்தான். அவன் ரோட்டருகே வளர்ந்து நின்ற புற்களை பறித்து கட்டாக கட்டி பசுவின் முகத்தருகே காட்டினான்.

பசு புல்லை சாப்பிட எழுந்தது.*

*சிறுவன் புல்லை பசுவிடம் காட்டிக்கொண்டு நடக்க ஆரம்பித்தான். 

பசுவும் அவனோடு நகர்ந்தது.*

தங்கள் பலங்களை காட்டி பிரச்னைகளை சீர்செய்ய சிலர் நினைக்கிறார்கள்.

சிலர் மட்டுமே அந்த இடத்தில் இருந்து தீர்வு காண்கிறார்கள்.

பிரச்னையை அதன் கண்கொண்டு பார்க்க கற்றவர் வெற்றி பெறுவார்கள்.