இன்றைய சிந்தனை..

தவறுவது, தவறில்லை...

தவறுகளில் இருந்து கற்று கொள்ள தவறுவதே தவறு...

எல்லா சூழ்நிலைக்கும் பொருந்தக்கூடிய ஒன்று அமைதி....

எந்த சூழ்நிலைக்கும் பொருந்தாத ஒன்று கோபம்..

எனவே, நாம் அனைத்து உயிர்களிடத்தும் அன்பாய் 

இருப்போம்...

எதையுமே யோசிக்காமல் சில நேரங்களில் சிலர் கோபப்படுவது... 

உரிமையின் வெளிப்பாடு...

எல்லாமே யோசித்து எதுவுமே பேசாமல் மெளனமாய் இருப்பது... 

உறவு நிலைக்க வேண்டும் என்ற நிலைப்பாடு...

மனசு சரியில்லை என்ற எண்ணம் தோன்றும் போது, மனம் சரியாக இருக்கிறது என்றே அர்த்தம்...

ஏனென்றால் எப்போதும் மனது தன் தவறை மறைத்து, யார் மீதாவது குற்றம் சாட்டுவதில் மிகவும் வல்லமை படைத்தது...

முள்ளை மிதித்து விட்டேன் என்ற உண்மையை மறைத்து, முள் தேடி வந்து குத்தியதுபோல முள்ளு குத்திவிட்டது என்றே சொல்லும்...

அதே போல தன்னிடம் இருக்கும் குறை, புரிதலில் வேறுபாடு போன்றவற்றைக்  கூட  ஒத்துக் கொள்ளாது...

யார் கிடைப்பார்கள் அவர்கள் மீது பழியைத் தூக்கிப் போட்டு விடலாம் என்று இருந்து, உன்னிடம் இருக்கும் குறையை உனக்கே மறைப்பதில் மனத்தின் வல்லமை அதிகம்...

ஆனால்... தான்தான் சரியில்லை  என்று மனம் எப்போதாவது ஒத்துக் கொள்ளும்...

எப்போதெல்லாம் மனசு சரியில்லை என்கிற எண்ணம் தோன்றுகிறதோ, அப்போதெல்லாம் மனசு சரியாக இருக்கிறது...

எனவே, அனைவரிடமும் அன்பாய் அனுசரணையாய் பழகுவோம்...

*வாழ்க்கை வளமாகும்...*