இன்றைய சிந்தனை..

*யாரிடம் தவறில்லை யாரிடம் குறையில்லை. வாழ்வது ஒரு முறை வாழ்த்தட்டும் தலைமுறை.*

*நம் சுற்றத்தினர் மீது சில சமயங்களில் கோபமும், ஆற்றாமையும் ஏற்படுவது சகஜம் தான்.*

*இந்த உணர்ச்சிகள் நமக்குள் தோன்றி நாமே கட்டுபடுத்தி கொண்டால் பிரச்னை ஒன்றும் இல்லை.*

*அதை விடுத்து, நம் கோபம் எல்லை கடந்து வெளியில் தெரிந்தால் கண்டிப்பாக நம் உறவுகளுக்குள்ளே  பிரச்னை தான் ஏற்படும்.*

*அடுத்த முறை நம்மை சுற்றி உள்ளவர்களின் செயல் அதிருப்தி தந்து, கோபம் வந்தால் முதலில் ஒன்றை யோசியுங்கள்.*

*இந்த கோபமோ, அதிருப்தியோ தற்காலிகமான உணர்ச்சிகள். நாளையே சரியாகி விடும்.*

*ஆனால் உறவுகள் என்பவை நிரந்தரமானது என்பதை உணர்ந்து கொள்ளுங்கள்.*

*உறவுகளை இந்த சிறு பிரச்னைகளால் இழக்க வேண்டுமா என ஆராய்ந்து அவ்வப்போது அவர்களின் செயல்களால் ஏற்படும் சிறு சிறு உரசல்களை தெளிவாக கையாளுங்கள்.*

*கோபம் உள்ள இடங்களில் உறவுமுறைகள் நிலைக்காது. உணர்ந்து செயல்படுங்கள்.*

*பெருமையும் சிறுமையும் சொல்லில் இல்லை, நம் நடத்தையில் தான் உள்ளது...*

*எவரையும் எதற்கும் எதிர்ப்பார்க்காத வாழ்க்கையை வளர்த்துக் கொள்ளுங்கள்...*

*நம்மை சிறுமைப்படுத்துபவரையும் சிரித்து வெல்லுங்கள்..!!*

*உங்களிடம் அனைத்துமே உள்ளது... நீங்களே சிறந்தவர் என்று அடுத்தவர் புகழ்வதில் என்ன உள்ளது... வெறும் வஞ்சக புகழ்ச்சி தான் அது...*

*உங்களிடம் எதுவுமில்லை... இனி நீங்கள் மேலே வரப்போவதில்லை... வெற்றியை ருசிக்க போவதில்லை... நீங்கள் ஒரு ஏமாளி, நீங்கள் தோற்றுக் கொண்டே இருப்பவர் என்ற அவமான வார்த்தையில் அத்தனையும் உள்ளது...*

*அதை கேட்டு கேட்டு  வலித்து, வலித்து, வருந்தி, கலங்கி, வெகுண்டு திமிராகி எழுந்து வருவதில் இருக்கிறது வாழ்வின் சூட்சுமம்...*

*ஒரு கட்டத்தில் ஒருவர் அவமானப்படுத்தும் போது எதிர்க்க முடியாத சூழல் இருக்கும்... கையை பிசைந்து கொண்டு இருப்போம்...*

*அவமானத்தால் கூனி குறுகி தலைகவிழ்ந்து கன்னம் தாண்டாத கண்ணீரோடு தத்தளித்துக் கொண்டிருப்போம்...*

*இது நம் குடும்பத்திலியே நடக்கும். நடந்திருக்கும்... அதை அப்படியே தேக்கி வையுங்கள்...*

*அக்கண்ணீரை உரமாக்கி  திருப்பிக் காட்ட ஒருநாள் காத்திருங்கள்... நிச்சயம் நடக்கும் காத்திருங்கள்...*

*அவமானம் கற்றுதரும் பாடத்தை இந்த உலகில் எவரும் கற்று தரமுடியாது...*

*#வாழ்த்துக்கள்.*