CHRISTMAS SPECIAL THOUGHT..

 அடர்ந்த காடு..

அந்த காட்டுக்குள் எண்ணிலடங்கா மரங்கள் மற்றும் செடி கொடிகள் மகிழ்ச்சியாக வாழ்ந்து வந்தன.

ஒரு நாள் அக்காட்டில் பெரும் சலசலப்பு.. அங்கு வெகு காலமாக வசித்து வந்த மூன்று மரங்களுக்குள் பலத்த வாக்குவாதம். மனிதர்களை போல மரங்களுக்கும் ஆசை தோன்றியதே அதற்கு காரணம்!!

அந்த மூன்று மரங்களுக்குள் யாருடைய ஆசை சிறந்தது மிகவும் உயர்ந்தது என்பதே விவாதம்.. ஒவ்வொருவரும் தங்கள் ஆசையை கூற வேண்டும் என்று முடிவாயிற்று.

முதல் மரம் சொன்னது, நான் இந்த உலகிலேயே மிகச்சிறந்த பொருட்களை, அதாவது தங்கம், வைரம்,  மற்றும் விலை மதிப்பில்லாத அனைத்து விதமான விலை உயர்ந்த ஆபரணங்களை சேர்த்து வைக்கும் பெட்டியாக மாற வேண்டும் என்றது.......

இரண்டாவது மரம் சொன்னது, அற்ப ஆசை உன்னுடையது ஒருபோதும் நிறைவேறாது. எனது ஆசையை கேளுங்கள் என்று கூறத் தொடங்கியது. இந்த உலகில் வீரம், தீரம், போர் திறன், படை பலம், அனைத்தும் பெற்ற மிகவும் சிறந்த மன்னனுக்கு அரியணையாக உருவெடுக்க விருப்பம் என்று கூறி முடித்தது.

இப்போது மூன்றாவது மரம் அமைதியாக பேச ஆரம்பித்தது. எனது ஆசை ஒன்று தான், இறைவன் என்னை என்ன காரணத்திற்காக படைத்தாரோ அது முழுமையாக நிறைவேற வேண்டும். அதற்காகவே நான் காத்திருக்கிறேன் என்று பணிவுடன் கூறி முடித்தது.

நாட்கள் நகர்ந்தன.. அம்மூன்று மரங்களும் வெவ்வேறு மனிதர்களால் வெட்டப்பட்டு கடைகளில் விற்பனைக்கு வைக்கப்பட்டன.

முதலாவது மரம் அது நினைத்தது போலவே விலை உயர்நத நவரத்தினங்கள் பதித்த கீரிடத்தை பாதுகாக்கும் பெட்டியாக அரண்மனையை அடைந்தது.

இரண்டாவது மரமோ அந்த அரண்மனையின் அரசன் அமரும் அழகிய அரியணையாக உருவெடுத்து தனது ஆசை நிறைவேறிய மகிழ்ச்சியில் அரண்மனனயை அலங்கரித்தது.

மூன்றாவது மரமோ வைக்கோல் வைக்கும் மரப்பெட்டியாக உருவெடுத்து கேட்பார் அற்று கிடந்தது. சில நாட்கள் கழித்து அந்த ஊரில் உள்ள ஒரு ஏழை விவசாயி தனது மாட்டுத்தொழுவத்திற்கு அதை வாங்கி சென்றார்.

ஒரு நாள் இரவில், நல்ல குளிர் நிறைந்த வேளையில் ஒரு பெண் தன் கணவனோடு பயணமானாள். தீடிரென அப்பெண் பிரசவ வேதனையால் துடிக்கவே அவள் கணவன் அவளை அருகில் இருந்த மாட்டு தொழுவத்திற்கு அழைத்து சென்றார், அங்கே அந்த பெண் அழகிய ஆண் குழந்தையை ஈன்றெடுத்தாள்.

மாட்டு தொழுவம் என்பதாலும், கடுங்குளிர் நிலவியதாலும் அக்குழந்தையை ஒரு துணியில் சுற்றி வைக்கோல் பெட்டியில் கிடத்தினார்கள்.

அந்த குழந்தை வேறு யாருமல்ல, உலகில் உள்ள அனைத்து வகையான மக்களுக்கும் அன்பை போதித்த இறைமகன் இயேசு கிறிஸ்து.. அக்குழந்தை கிடத்தி வைக்க பட்டது அந்த மூன்றாவது மரத்தினால் செய்யப்பட்ட பெட்டியில் தான்.

அந்த குழந்தையை காண வந்த மன்னன், அக்குழந்தைக்கு பரிசாக விலை மதிப்பற்ற கீரிடத்தை ஒரு பெட்டியில் வைத்து கொண்டு வந்தார். அந்த பெட்டி செய்யப்பட்டது முதலாவது மரத்தில் தான். கீரிடத்தை குழந்தைக்கு சூட்டும்  பொழுது அம்மன்னன் தனது அரியணையையும் (இரண்டாவது மரம்) மறந்து மண்டியிட்டான்.

இக்கதையில் நாம் தெரிந்து கொள்ள வேண்டியது இரண்டு விஷயங்கள்..

1. நம்மை படைத்த கடவுள் நமக்கு மேலானவர், அனைத்தும் அவர் அறிவார் என்று மனதில் நினைத்து வாழும் வாழ்க்கையை அவருக்கு அர்ப்பணித்து வாழ்வதால் நாம் கெட்டு விட மாட்டோம்.

2. அன்பின் முன்பு சகலமும் அற்பமானதே.. அன்பு ஆர்பரித்து ஆரவாரம் செய்து வரும் போது அதன் முன் பணமும், அதிகாரமும் மண்டியிட்டு தான் ஆக வேண்டும்..

அன்பே பிரதானமாகும்!!!!!!!!