அன்னையர் தினம்..

கருத்தரித்த நாள்முதலே

கண்இமைபோல் காத்தவளே

வேதனையில் உன் பிரசவம்

என் மண்ணுலக பிரவேசம். 

பிஞ்சு விரல் நீவி

அஞ்சி கை ஏந்தி

நெஞ்சில் அரவணைத்து

கெஞ்சி பாலூட்டி

நாளும் குளிப்பாட்டி

ஆடை அணிவித்து

அலங்காரம் செய்வித்து

தமிழன்னை துணைக்கழைத்து

தாலாட்டி தூங்கவைத்தாய். 

பள்ளிப் பருவத்தில்

அள்ளி முத்தமிட்டு

அறிவாலயம் அனுப்பி வைப்பாய்

கற்றுயர கனவுகண்டாய்.

இறைவேண்டி வாழ்த்தி நிற்பாய். 

சற்றே வளர்ந்தவுடன் உயர்கல்வி

பெற்றிடவே வழி வகுப்பாய்.

சான்றோன் எனக்கேட்டு

ஈன்றபொழுதிற் பெரிதுவப்பாய். 

பணியமரப் பார்த்து                    இனிமை கொள்வாய்

பெருமை பேச

உரிமை கொள்வாய். 

தனித்துவாழ பயிற்சி

தாரம் தந்து  முயற்சி

இல்லறத்தில் இறக்கி

கிளைகள் தர வேண்டுவாய். 

அழுதால் பொறுக்காத அன்னை

அனலை அரவணைத்த பின்னும்  

நினைவில் வாழும் போதும்

நிழலாய் தொடருபவள் என்னை.

*அன்னைதான் முதல் கடவுள்*

*அன்னயின் ஆசி இருந்தால் மற்ற அனைத்து தெய்வங்களின் ஆசி கட்டாயம் கிடைக்கும்*

*கண்ணுக்கு முன் இருக்கும் அன்னையை போற்றுவோம்*