காலம்..

*நிரந்தரம் என்று*

*சொல்லிக் கொள்வதெல்லாம்*

*நிரந்தரமின்றி போக*

*மாற்றங்கள் மட்டுமே*

*நிரந்தரமாக்கிப் போகும்*

*காலத்தின் சுழற்சியால்..!*

*காலம்*  

*கண்ணீரை மட்டுமல்ல* 

*காயங்களையும் மாற்றும்*

*கேள்விகளை மட்டுமல்ல* 

*பதில்களையும் மாற்றும்..!*

*கடந்து வந்த* 

*பாதைகள் கடத்தி*

*போக மறுப்பதில்லை..*

*காலம் கடந்த* 

*நினைவுகளை*

*பரிசளிக்க* 

*தவறுவதில்லை..!*

*சண்டை போட்டு*

*பேசாமல் இருக்கும்* 

*காலம் போய்* 

*பேசினால் சண்டை*

*வரும் என்று* 

*பயந்து பேசாமல்*

*இருக்கும் காலத்தில்*

*வாழ்கிறோம்..!*

*இதெல்லாம் ஒரு நாள்*

*கடந்து போகும் என்று*

*காத்திருந்தேன்*

*ஆனால்..!!*

*எதுவுமே கடந்து போகாது*

*எல்லாம் பழகிப்போகும்*

*என்று உணர்த்தி விட்டது*

*காலம்..!*

*நீ எவ்வளவு நன்மைகள்*

*செய்து இருந்தாலும் அதை*

*ஒரு நொடியில் மறந்து*

*விடும் இவ்வுலகம்..*

*நீ தெரியாமல் செய்த*

*ஒரு தவறை காலம்*

*முழுவதும் சொல்லிக்*

*கொண்டே இருக்கும்.*

*கடந்து வந்த பின்பே*

*கண்டு உணர்கிறேன்..*

*என்னை கலங்கடித்த*

*காலமெல்லாம் கடுமையான*

*காலம் அல்ல..*

*என் வாழ்வை*

*வடிவமைத்த காலம்*

*என்று..!*

*கடைசி காலத்திற்கு*

*தேவை என்று ஓடி ஓடி*

*உழைக்கின்றோம்*

*எது*

*கடைசி காலம் என்று*

*தெரியாமலே..!*

*காலம் கற்றுக் கொடுக்கும்*

*பாடம் போல*

*எந்த ஒரு*

*ஆசானாலும் கற்றுக்*

*கொடுக்க முடியாது..!*

*காலம் கடந்து செல்கின்றேன்*

*யாவும் மாறும்*

*என்ற நம்பிக்கையில்..!*

*ஓடி வந்து மூச்சு வாங்கும்*

*போது தான் தெரியும்*

*தண்ணீரின் அருமை..*

*அது போல தான்* 

*கடந்து வந்த பிறகு* 

*தான் தெரியும்*

*காலத்தின் அருமை..!*

*வாழ்த்தினாலும்*

*தாழ்த்தினாலும்*

*சிரித்துக் கொண்டே*

*இரு* 

*காலம் அவர்களுக்கு*

*பதில் சொல்லும்..!*

*கசப்பான நினைவுகள்*

*காலம் முழுவதும்*

*கசப்பதில்லை..*

*நிகழ்வுகள் மாறும் போது*

*நினைவுகளும் இனிக்கும்..!*

*தானாக உயரும் வயது..*

*விடாமல் துரத்தும் காலம்..*

*தடுக்க முடியாத நேரம்..*

*கடக்கத் துடிக்கும் இளமை..*

*காலைத் தடுக்கும் சமூகம்..*

*தொட வேண்டிய இலக்கு..*

*இத்தனை* *போராட்டங்கள்*

*தான் வாழ்க்கை..!*

*காலம் கடந்தது*

*நினைவுகள் வலித்தது* 

*ஆயினும் அசட்டு*

*நம்பிக்கையில் காத்திருந்தேன்*

*அதே காலத்துடன்..!*

*பாசம் வையுங்கள்* 

*தவறில்லை*

*ஆனால் பைத்தியம்* 

*ஆகிவிடாதீர்கள்*

*ஏனெனில்*

*இங்கு முடிவே இல்லாத*

*வாழ்வும் இல்லை..*

*பிரிவே இல்லாத* 

*உறவும் இல்லை..*

*எல்லாம் சில காலம் தான்..*!

*பொறுத்தார் பூமி ஆழ்வார்*

*என்பது அந்த காலம்*

*பொங்கி எழுந்தால் தான்*

*இருப்பதையாவது*

*காப்பாற்றிக் கொள்ள*

*முடியும் என்பது* 

*இந்த காலம்..*

*இது தான்*

*இன்றைய வாழ்க்கை..!*

*தொலைந்து போன*

*காலத்தை தேடித் தேடியே*

*இருந்த காலமும்*

*தொலைந்து போனது..!*

⏰  ⏰  ⏰  ⏰  ⏰  ⏰