இன்றைய சிந்தனை..

 கணிப்புகளோ, திணிப்புகளோ,

நீயே அறிந்தவர் ! !

இனியொருபோதும் வேண்டாம் இந்த பாசிச ஆட்சி .

ஒற்றுமை தேசம் சிதைபடாமல் இருக்க ஆட்சிமாற்றம் ஒன்றே தீர்வு. 

அதை உம் அருளைக்கொண்டு நடத்திக்காட்டுவீராக !

மாட்டை நேசித்து மனிதனை கொல்வது

மாற,

மனிதத்தை நேசிப்போர் அரியனை ஏற

நீரே அருள் புரியும் !

உம் தீர்ப்பு எதுவாகினும் ஏற்பது எம் பணி.

ஆனாலும் கேட்பதும் கெஞ்சுவதும் உமக்கு பிடிக்கும் தானே ! அதனால் கேட்கிறோம்.

நல்ல தீர்ப்பை வழங்கும் இறைவனே !

பொல்லாதோர் இல்லாத எம் தேசம் மீண்டும் வேண்டும்.

இந்துவோ, முஸ்லிமோ, கிருத்துவரோ, சீக்கியரோ, பௌவுத்தரோ, எவராகினும் உம் படைப்பே.

அனைவரும் இந்தியர் என்ற குடையின் கீழ் இணைந்து வாழ இந்த ஆட்சி உகந்ததல்ல.

ஒரு சார்பை தூக்கிப்பிடித்து, மறு சார்பை தாக்கி அழிக்கும் பாசிசம் வேண்டாமே.

மக்கள் எப்படியோ அப்படியே ஆட்சியாளன்

என்ற உம் வாக்கு நினைவில் வருகிறது.

பிழை செய்யும் எங்களுக்கு பிழையான ஆட்சியாளனை தந்துவிடாதேயும் !

வாக்கு எந்திரங்கள் தவறு செய்யலாம்.

பெட்டிகளும் மாறலாம். 

சூழ்ச்சிகாரனுக்கெல்லாம் மேலான மாயவல்லவன் நீரல்லவா..!

தீய சூழ்ச்சியை உம் தூய அற்புதத்தால் 

மாற்றிக்காட்டும்.

ஏப்ரல் 6ல் நல்ல மேய்ப்பரை அடையாளம் காட்டும். இறைவா அடையாளம் காட்டும் !

கிருபையும், தயையும் நிறைந்த உம்மிடம்

கையேந்தி நிற்கிறோம்.

இனி உம் முடிவு எதுவாகினும்

நீர் அனுமதிப்பதாக ஏற்கிறோம் !

உமக்குத் தெரியும்.

எப்போது, யாரைக் கொண்டு, எதைச் செய்யவேண்டுமென !

உமது பிள்ளைகளாகிய எங்களுக்கு வலிமை சேரத்திடும் !