Skip to main content

புனேவிற்கு சுற்றுலா சென்ற 3 மாணவர்கள் பலி

தண்டையார்பேட்டை, புனேவிற்கு, கல்வி சுற்றுலா சென்ற தண்டையார்பேட்டை பள்ளி மாணவர்கள் மூவர், நீரில் மூழ்கி பலியாயினர்.
சென்னை, தண்டையார்பேட்டை, எண்ணுார் நெடுஞ்சாலையில், இ.சி.ஐ., மெட்ரிக்குலேஷன் மேல்நிலை பள்ளி உள்ளது.இப்பள்ளியில் படித்த மாணவர்களில், 20 பேரை தேர்ந்தெடுத்து, தனியார் தொண்டு நிறுவனம், புனேவிற்கு, கல்வி சுற்றுலாவிற்கு அழைத்து சென்றது.
அதில், தண்டையார்பேட்டை, இந்திராகாந்தி நகரை சேர்ந்த, தமீம் அன்சாரியின் மகன், சஷீல் ரஜு, 13, நாவலர் குடியிருப்பை சேர்ந்த, கணேஷ் மகன் சந்தோஷ், 13, நேதாஜி நகரைச் சேர்ந்த, சுடலைகுமாரின் மகன் சரவணக்குமார், 13, ஆகியோரும் சென்றனர்.சென்னையிலிருந்து, 23ம் தேதி, விமானம் மூலம், மகாராஷ்டிராவிற்கு சென்றனர். நேற்று முன்தினம், புனேயிலிருந்து, 45 கி.மீ., துாரத்தில் உள்ள, முல்ஷி அணைக்கு, மாணவர்களை அழைத்து செல்லப்பட்டனர். அங்குள்ள, அணைக்கட்டு ஏரியில், ஐந்து மாணவர்கள் குளித்தனர்.
அப்போது சஷீல் ரஜு, சரவணக்குமார், சந்தோஷ் ஆகிய மூவரும், நீரில் மூழ்கி மாயமாகினர்.புனே போலீசார், சம்பவ இடத்திற்கு விரைந்து சென்று, தீயணைப்பு வீரர்களின் உதவியுடன், மாணவர்களை தேடும் பணியில் ஈடுபட்டனர். நேற்று மாலை, மூவரின் உடல்களும் மீட்கப்பட்டன.பிரேத பரிசோதனை முடிந்து, மாணவர்களின் உடல்கள், சென்னைக்கு அனுப்பி பணி நடக்கிறது.இந்நிலையில், முன்னெச்சரிக்கை நடவடிக்கையாக, இ.சி.ஐ., மெட்ரிக்குலேஷன் மேல்நிலை பள்ளியில், 10க்கும் மேற்பட்ட போலீசார், பாதுகாப்பு பணியில் ஈடுபடுத்தப்பட்டுள்ளனர்.இச்சம்பவத்தால், சுற்றுலா ரத்து செய்யப்பட்டு, மாணவர்களை, சென்னை அழைத்து வரும் பணிகளை, பள்ளி நிர்வாகம் செய்துள்ளது.

கல்வித் துறை செயலருக்கு &'நோட்டீஸ்&'

சுற்றுலா சென்று, விபத்தில் சிக்கிய பள்ளி மாணவர்கள் குறித்து, பள்ளிக்கல்வித் துறை செயலர் விளக்கம் அளிக்க, மாநில மனித உரிமைகள் ஆணையம் உத்தரவிட்டுள்ளது.ஆணைய தலைவர், டி.மீனாகுமாரி பிறப்பித்த உத்தரவு: கல்வி சுற்றுலாவுக்கு, மாணவர்களை, பள்ளி நிர்வாகம் அழைத்து சென்றது குறித்து, பள்ளிக்கல்வித்துறை முதன்மை செயலர், மெட்ரிக் பள்ளிகள் இயக்குனர், தனியார் பள்ளி முதல்வர் ஆகியோர், விரிவான அறிக்கையை, நான்கு வாரத்தில் அளிக்க வேண்டும்.
மேலும், பள்ளி மாணவர்களை, சுற்றுலா அழைத்து செல்லும் போது, கடைபிடிக்க வேண்டிய பாதுகாப்பு, அனைத்து பள்ளிகளுக்கும், வழிகாட்டு நெறிமுறைகளை, அரசு வழங்க வேண்டும். இவ்வாறு அதில் கூறப்பட்டுள்ளது.

Comments

Popular posts from this blog

சிந்தனைச் சிதறல்..

மனம் ஒருமுகப்பட.. *காற்று ஒருமுகப்பட புயலாகிறது! மேகம் ஒருமுகப்பட மழையாகிறது.!  நீர் ஒருமுகப்பட நதியாகிறது!  நதி ஒருமுகப்பட கடலாகிறது!  மனம் ஒருமுகப்பட வெற்றி உருவாகிறது!  உங்களைக் கையாள மூளையைப் பயன்படுத்துங்கள்! மற்றவரைக் கையாள இதயத்தைப் பயன்படுத்துங்கள்!  இதயத்தைக் கவர்ந்துவிட்டு, எதைச் செய்தாலும், அது இணக்கமாகவே இருக்கும்.  வாயில் உதிரும் வார்த்தைகளை விட இதயத்திலிருந்து உதிரும் வார்த்தைகளால் அன்பு மலரும்! அன்பே ஆனந்தம் தரும்.*_ கோபம் ஒரு சுயதண்டனை, அடுத்தவர் செய்த தவறுக்கோ அல்லது அடுத்தவர் தவறு செய்திருக்கலாம் என்ற நிலையிலோ நமக்கு நாமே கொடுத்துக் கொள்கிற தண்டனைதான் கோபம்!  கோபத்தில் நடிப்பிருக்கலாம்! துடிப்பிருக்கக்கூடாது!*_  *உறவுகள் கூட நிலவைப் போன்று தான்..!* *"தூரத்தில்" இருக்கும் வரை* *ரசித்துக் கொண்டாடப்படும்..!!* *எதிர்பார்ப்பை* *குறைத்துக் கொள்ளுங்கள்..!* *ஏமாற்றத்தால் சோர்வடையத்* *தேவையில்லை..!!* *அன்று "வயதைப்"* *பார்த்து வந்தது..* *இன்று "வசதியைப்"* *பார்த்து தான் வருகிறது..!!* *"மரியாதை"* *செல்லும் பாதை*  *சரியானதாக இல்லாத போது..*

அமைதி..

நாட்டில் அவ்வப்போது ஏதாவது போட்டிகள் நடத்தி வெற்றி பெறுபவர்களுக்கு சன்மானம் அளிப்பது அந்த மன்னனின் வழக்கம். ஒரு முறை அமைதி என்றால் என்ன என்பது குறித்து தத்ரூபமான ஓவியம் வரைபவர்களுக்கு மிகச் சிறந்த பரிசு வழங்கப்படும் என்று அறிவித்தான். இதையடுத்து நாட்டின் முன்னணி ஓவியர்கள் அமைதியை பிரதிபலிக்கும் வண்ணம் தத்ரூபமான பல ஓவியங்களை வரைந்து அரண்மனைக்கு எடுத்து வந்தார்கள். மன்னன் ஒவ்வொரு ஓவியமாக பார்வையிட்டுக் கொண்டே வந்தான். அமைதியை ஒவ்வொரு ஓவியரும் ஒரு மாதிரி பிரதிபலித்து இருந்தார்கள். ஒருவர் அழகான ஏரியை வரைந்திருந்தார். ஒரு அழகிய மலையின் அடிவாரத்தில் அந்த ஏரி காணப்பட்டது. மலையின் பிம்பம் ஏரியில் பிரதிபலித்து பார்க்கவே ரம்மியமாக இருந்தது. மற்றொருவர் மலர்களை வரைந்திருந்தார். பார்த்தவுடனே பறிக்கத் தூண்டும் வகையில் அம்மலர்கள் தத்ரூபமாக இருந்தது. இப்படி ஒவ்வொருவரும் அமைதியை தங்களுக்கு தோன்றியவாறு ஓவியத்தில் பிரதிபலித்திருந்தனர். ஒரு ஓவியத்தில் ஒரு மலையின் மீதிருந்து ஆக்ரோஷமாக கொட்டும் நீர்வீழ்ச்சியின் படம் வரையப்பட்டிருந்தது. அதுமட்டுமா இடியுடன் மழை வேறு பொழிந்து கொண்டிருந்தது. இது அமைதியே அல்ல.

படித்ததில் பிடித்தது..

 கடவுளிடம் ஒரு விவசாயி கடுமையாகச் சண்டைக்குப் போனான். ”உனக்குப் பயிர்களைப் பற்றி என்ன தெரியும்? நீ  நினைத்தபோது மழையை அனுப்புகிறாய். தப்பான சமயத்தில் காற்றை வீசுகிறாய். உன்னால் பெரிய தொந்தரவாக இருக்கிறது. பேசாமல், இந்த வேலைகளை விவசாயி ஒருத்தனிடம் ஒப்படைத்துவிடேன்!” என்றான். கடவுள் உடனே,  “ அப்படியா? சரி.  இனிமேல் வெளிச்சம், மழை, காற்று எல்லாம் உன் கட்டுப்பாட்டிலேயே இருக்கட்டும்” என்று வரம் அருளிவிட்டுப் போய்விட்டார். விவசாயிக்கு சந்தோஷம் பிடிபடவில்லை. அடுத்த விதைப்பிற்கான பருவம் வந்தது. ”மழையே பெய்” என்றான். பெய்தது. நிறுத்தச் சொன்னபோது,  மழை நின்றது. ஈரமான நிலத்தை உழுதான். தேவையான வேகத்தில் காற்றை வீசச் செய்து,  விதையை தூவினான். மழை, வெயில், காற்று எல்லாமே அவன் சொன்ன பேச்சைக் கேட்டன. பயிர் பச்சைப்பசேல் என வளர்ந்தது. வயல்வெளியைப் பார்க்கவே மிகவும் ரம்மியமாக இருந்தது. அறுவடைக் காலமும் வந்தது. விவசாயி ஒரு கதிரை அறுத்தான். அதனை உதிர்த்து, திறந்து பார்த்தான். அதிர்ந்தான்.. உள்ளே தானியத்தைக் காணவில்லை, மிகச் சிறிய பதர்தான் இருந்தது. அடுத்தது, அதற்கடுத்தது என்று ஒவ்வொரு தானியக்கதிராக வெட்டி