Skip to main content

டி.ஆர்.பி., அறிவிப்பு செல்லாது; உயர்நீதிமன்றம் உத்தரவு

மதுரை: ’அரசு பாலிடெக்னிக் கல்லூரி விரிவுரையாளர் பணிக்கான தேர்வை ரத்து செய்த, டி.ஆர்.பி.,யின் அறிவிப்பு செல்லாது’ என, உயர் நீதிமன்ற மதுரைக் கிளை உத்தரவிட்டுள்ளது.
சிவகங்கை இளமதி தாக்கல் செய்த மனு: நான், எம்.எஸ்.சி., - பி.எட்., மற்றும், எம்.பில்., படித்துள்ளேன். அரசு பாலிடெக்னிக் கல்லூரிகளில், விரிவுரையாளர் பணிக்கு, 2017 ஜூலை, 28ல் தமிழ்நாடு ஆசிரியர் தேர்வு வாரியம் - டி.ஆர்.பி., அறிவிப்பு வெளியிட்டது. நான் விண்ணப்பித்து, 2017 செப்., 16ல் நடந்த தேர்வில் பங்கேற்றேன். விடைத்தாள்களை மதிப்பீடு செய்யும் பணியில், தனியார் ஏஜன்சி ஈடுபட்டது.
இதில், 200 பேரின் விடைத்தாள்களில், தவறான பதில்களுக்கு மதிப்பெண் வழங்கி, முறைகேடு நடந்தது தெரிந்தது. இதனால், தேர்வை ரத்து செய்து, மறு தேர்வு நடத்துவதாக, பிப்., 9ல்,டி.ஆர்.பி., அறிவித்தது.மொத்தம், ஒரு லட்சத்து, 33 ஆயிரத்து, 567 பேர் தேர்வு எழுதியுள்ளனர். 200 பேர் முறைகேட்டில் ஈடுபட்டதற்காக, ஒட்டுமொத்தமாக தேர்வை ரத்து செய்தது ஏற்புடையதல்ல.
இதற்காக, தேர்வு எழுதிய அனைவரும் பொறுப்பேற்க முடியாது.தேர்வு ரத்தால், எங்களைப் போன்றவர்கள் பாதிக்கப்பட்டுள்ளோம். ஏற்கனவே நடந்த தேர்வு அடிப்படையில், எனக்கு பணி நியமனம் வழங்க வேண்டும். தேர்வை ரத்து செய்து, புதிதாக தேர்வு நடத்துவது என்ற, டி.ஆர்.பி.,யின் அறிவிப்பிற்கு இடைக்காலத் தடை விதிக்க வேண்டும். அந்த அறிவிப்பை ரத்துசெய்ய வேண்டும். இவ்வாறு இளமதி மனு செய்திருந்தார்.
இதுபோல் மேலும் ஒரு மனு தாக்கலானது.நீதிபதி ஜி.ஆர்.சுவாமிநாதன் விசாரித்தார்.அரசு வழக்கறிஞர், ’விடைத்தாள் மதிப்பீட்டில், முறைகேடு தொடர்பாக, போலீசார் விசாரணை மேற்கொண்டு உள்ளனர்.’யார், யார் முறைகேட்டில் ஈடுபட்டனர் என்பது, இதுவரை அடையாளம் காணப்படவில்லை. இந்நிலையில், தேர்வை ரத்து செய்து மீண்டும் நடந்த, டி.ஆர்.பி., முடிவு செய்தது’ என்றார்.
நீதிபதி உத்தரவு: முறைகேட்டில் ஈடுபட்டவர்கள் யார், யார் என்பது தெளிவாகும் வரை காத்திருப்பதா; அனைத்து விடைத்தாள்களையும் மறு மதிப்பீடு செய்வதா; முறைகேட்டில் ஈடுபட்டவர்கள் தவிர மற்றவர்களைதனியாக பிரித்து, விடைத்தாள்களைமறுமதிப்பீடு செய்து, சான்றிதழ் சரிபார்ப்பிற்கு அழைப்பதா என்பது குறித்து, டி.ஆர்.பி., முடிவெடுக்க வேண்டும்.
அவசர கதியில் தேர்வை ரத்து செய்து, மறு தேர்வு நடத்துவது என்ற அறிவிப்பை வெளியிட்டது ஏற்புடையதல்ல.தேர்வை ரத்து செய்த, டி.ஆர்.பி., தலைவரின் உத்தரவை ரத்து செய்கிறேன்.இவ்வாறு நீதிபதி உத்தரவிட்டார்.

Comments

Popular posts from this blog

தற்காலிக ஆசிரியர் பணி தொடர்பான வழக்கு ஜூலை 15-க்கு ஒத்திவைப்பு.

  தற்காலிக ஆசிரியர் பணி தொடர்பான வழக்கு ஜூலை 15-க்கு ஒத்திவைப்பு.   தற்காலிக ஆசிரியர் பணி தொடர்பான வழக்கு இன்று மீண்டும் விசாரணைக்கு வந்த நிலையில் வழக்கானது 15ஆம் தேதிக்கு ஒத்திவைக்கப்பட்டது. விசாரணையின் போது ஆசிரியர் பணிக்கு விண்ணப்பித்த 1,50,648 பேரில் 28,984 பேர் மட்டுமே தகுதித்தேர்வில் தேர்ச்சி பெற்றுள்ளதாக அரசு தெரிவித்தது. ஆசிரியர் தகுதித் தேர்வில் தேர்ச்சி பெற்றவர்களின் விண்ணப்பங்களை முதலில் பரிசீலிக்க வேண்டும் என ஐகோர்ட் அரசை அறிவுறுத்தி வழக்கை ஜூலை 15 க்கு ஒத்திவைத்தது.

TET தேர்வுத் தேதி மாற்றம் - TRB அறிவிப்பு

TET தேர்வுத் தேதி மாற்றம் - TRB அறிவிப்பு   தமிழ்நாடு ஆசிரியர் தகுதித் தேர்வு 2022 ம் ஆண்டிற்கான ஆசிரியர் தேர்வு வாரியத்தின் அறிவிக்கை எண் .01 / 2022 , நாள் 07.03.2022 அன்று வெளியிடப்பட்டது . 06.07.2022 பத்திரிகை செய்தியின்படி ஆகஸ்டு மாதம் 25 முதல் 31 வரை உள்ள தேதிகளில் தாள்- I ற்கு மட்டும் முதற்கட்டமாக தேர்வுகள் கணினிவழியில் மட்டுமே நடத்த உத்தேசிக்கப்பட்டுள்ளது என்ற விவரம் தெரிவிக்கப்பட்டது. தற்பொழுது நிர்வாக காரணங்களினால் , தாள்- I ற்கான தேர்வு 10.09.2022 முதல் 15.09.2022 வரை நடத்தப்படவுள்ளது . மேற்படி கணினிவழித் தேர்விற்காக ( Computer Based Examination ) பயிற்சித் தேர்வு ( Practice Test ) மேற்கொள்ளவிரும்பும் தேர்வர்கள் ஆசிரியர் தேர்வு வாரிய இணையதளத்தில் பயிற்சியினை மேற்கொள்வதற்கு , தேர்வுக்கு 15 நாட்களுக்கு முன்பிருந்து வாய்ப்பு வழங்கப்படும். அனைத்து பணிநாடுநர்களும் இந்த வாய்ப்பினை பயன்படுத்தி பயிற்சி மேற்கொள்ளலாம் . இது குறித்த அறிவிக்கை , தேர்வுகால அட்டவணை மற்றும் அனுமதிச்சீட்டு ( Admit card ) வழங்கும் விவரம் செப்டம்பர் முதல் வாரத்தில் அறிவிக்கப்படும் .

படித்ததில் பிடித்தது..

                 சில நாய்களுக்கும் ஒரு சிறுத்தைக்கும் இடையில் எந்த விலங்கு வேகமாக ஓடுகிறது என்று ஒரு போட்டி  ஏற்பாடு செய்யப்பட்டது! வானை நோக்கி துப்பாக்கி சுடப்பட்டு போட்டி ஆரம்பமானது. நாய்கள் ஓட ஆரம்பித்தன. ஆனால் சிறுத்தை தன் கூண்டை விட்டு வெளியே வரவே இல்லை. போட்டியை பார்க்க கூடியிருந்த அணைத்து மக்களுக்கும் தாள முடியாத ஆச்சரியம். - 'என்ன நடந்தது?' 'ஏன் சிறுத்தை ஓடவில்லை?' என்று போட்டி ஒருங்கிணைப்பாளரிடம் கேட்டார்கள். அதற்க்கு அவர் சொன்ன விடை - “சில சமயங்களில் நீங்கள் சிறந்தவர் என்பதை மற்றவர்களுக்கு நிரூபிப்பது ஒரு அவமானம்”. சிறுத்தை அதன் வேகத்தை வேட்டையாடுவதற்கு மட்டுமே பயன்படுத்தும்.  அதன் வேகத்தையும், வலிமையையும் சில நாய்களுக்கு நிரூபிக்க வேண்டியதில்லை. ஆகவே, நம் வாழ்வில் பல சூழ்நிலைகளில், நாம் சிறந்தவர்கள் என்பதை எல்லோருக்கும் நிரூபிக்க முயற்சி செய்ய வேண்டிய அவசியமில்லை. அப்படி செய்வது நம்மக்குத்தான் கால, பொருள், ஆற்றல் விரயம்.  தேவையில்லாதவர்களிடம், தகுதியற்றவர்களிடம்  நாம் யார் என்பதை நிரூபிக்காமல் இருப்பதே சிறந்த புத்திசாலித்தனம்..