Skip to main content

திறந்தநிலை பல்கலைக்கழக பட்டம் வேலைவாய்ப்புக்கு ஏற்புடையது: அமைச்சர் கே.பி.அன்பழகன்

திறந்தநிலை பல்கலைக்கழக பட்டங்கள் வேலைவாய்ப்புக்கும், பதவி உயர்வுக்கும் ஏற்புடையதுதான் என உயர் கல்வித் துறை அமைச்சர் கே.பி.அன்பழகன் கூறினார்.
தமிழ்நாடு திறந்தநிலை பல்கலைக்கழகத்தின் 10-ஆவது பட்டமளிப்பு விழா சென்னையில் செவ்வாய்க்கிழமை (நவ.28) நடைபெற்றது. தமிழக ஆளுநரும், பல்கலைக்கழக வேந்தருமான பன்வாரிலால் புரோஹித் தலைமையில் நடைபெற்ற இந்தப் பட்டமளிப்பு விழாவில் உயர் கல்வித் துறை அமைச்சரும், பல்கலைக்கழக இணை வேந்தருமான கே.பி.அன்பழகன் பங்கேற்றுப் பேசியதாவது:-
தமிழகத்தில் உயர் கல்வி சேர்க்கை விகிதம் 44.3 சதவீதம்: இந்திய அளவில் இப்போது 799 பல்கலைக்கழகங்களும், 39,071 கல்லூரிகளும், 11,923 கல்வி நிறுவனங்களும் உள்ளன.
இவற்றின் மூலம் 3.46 கோடி மாணவ, மாணவிகள் உயர் கல்வி பெறுகின்றனர். இதனால் உயர் கல்வியில் 24.5 சதவீத ஒட்டுமொத்த மாணவர் சேர்க்கை விகிதத்தை இந்தியா கொண்டுள்ளது. இதில், மாநில அளவில் ஒப்பிடும்போது, தமிழகம்தான் முன்னிலை வகிக்கிறது. தமிழகத்தில் உயர் கல்வி சேர்க்கை விகிதம் 44.3 சதவீதம் ஆகும்.
தொலைநிலைக் கல்வியிலும்... இதே போன்று அதிக அளவில் தொலைநிலைக் கல்வி நிறுவனங்களைக் கொண்ட மாநிலமும் தமிழகம்தான். இங்கு 19 தொலைநிலைக் கல்வி நிறுவனங்கள் உள்ளன. தமிழகத்தில் உயர் கல்வி பெறுபவர்களில் 11.05 சதவீதத்தினர் இந்த தொலைநிலைக் கல்வி நிறுவனங்கள் மூலம் உயர் கல்வி பெறுகின்றனர். அதாவது, 7.5 லட்சம் மாணவ, மாணவிகள் தொலைநிலைக் கல்வி மூலம் உயர் கல்வி பெறுகின்றனர்.
கவலை வேண்டாம்: இவ்வாறு தொலைநிலை மற்றும் திறந்தநிலைப் பல்கலைக்கழகங்களில் பெறும் பட்டங்கள், வேலைவாய்ப்புக்கு ஏற்புடையதா என்ற சந்தேகம் அண்மைக்காலமாக எழுந்து வருகிறது. முறையாக பத்தாம் வகுப்பு, பிளஸ் 2 முடித்து, தொலைநிலை அல்லது தமிழ்நாடு திறந்த நிலைப் பல்கலைக்கழகங்கள் மூலமாகப் பெறப்படும் பட்டங்கள் வேலைவாய்ப்புக்கும், பதவி உயர்வுக்கும் ஏற்புடையதாகும். இது தொடர்பாக அரசாணையும் வெளியிடப்பட்டுள்ளது என்றார் உயர் கல்வித் துறை அமைச்சர் கே.பி.அன்பழகன்.
மொத்தம் 16,879 மாணவர்களுக்கு... முன்னதாக பல்வேறு துறைகளில் முதல் மதிப்பெண் பெற்ற 209 மாணவ, மாணவிகளுக்கு ஆளுநர் தங்கப் பதக்கங்களையும் பட்டச் சான்றிதழ்களையும் வழங்கினார். இந்தப் பட்டமளிப்பு விழா மூலம் 4,581 முதுநிலை பட்ட மாணவர்கள், 8,497 இளநிலை பட்ட மாணவர்கள், 3,701 பட்டய மாணவர்கள், 100 முதுநிலை பட்டய மாணவர்கள் என மொத்தம் 16,879 மாணவ, மாணவிகளுக்கு பட்டச் சான்றிதழ்கள் வழங்கப்பட்டன.
காமன்வெல்த் கல்வி ஊடக மைய விருது: மேலும், முதுநிலை கணினி அறிவியல் பாடத்தில் முதல் மதிப்பெண் பெற்று சிறந்து விளங்கிய பல்கலைக்கழக மாணவி ஆர். வீரலட்சுமிக்கு காமன்வெல்த் கல்வி ஊடக மைய (சி.இ.எம்.சி.ஏ.) விருதும், ரூ. 25 ஆயிரத்துக்கான ரொக்கப் பரிசையும் விழாவில் ஆளுநர் வழங்கினார்.
முன்னதாக பல்கலைக்கழக துணைவேந்தர் மு.பாஸ்கரன் ஆண்டறிக்கையை வாசித்தார். மத்திய வேளாண் ஆராய்ச்சிக் கழக துணை தலைமை இயக்குநர் கே.அழகுசுந்தரம், உயர் கல்வித் துறை செயலர் சுனில் பாலிவால் உள்ளிட்ட பலர் பங்கேற்றுப் பேசினர்.
எம்.ஏ. பட்டம் பெற்ற 70 வயது மூதாட்டி
திறந்தநிலைப் பல்கலைக்கழகத்தில் 70 வயது மூதாட்டி எம்.ஏ. பட்டம் பெற்று சாதித்துள்ளார்.
தமிழ்நாடு திறந்தநிலைப் பல்கலைக்கழகத்தின் 10-ஆவது பட்டமளிப்பு விழா சென்னையில் செவ்வாய்க்கிழமை நடைபெற்றது. இந்த விழா மூலம் 16,879 பேர் பட்டம் பெற்றனர்.
முதல் மதிப்பெண் பெற்ற 209 பேர் உள்பட 500-க்கும் அதிகமான மாணவ, மாணவிகள் விழாவில் நேரடியாக பட்டச் சான்றிதழைப் பெற்றனர். இவர்களில் 70 வயது மூதாட்டியும் பட்டம் பெற்றார்.
செல்லத்தாயி என்ற அந்த மூதாட்டி, திறந்தநிலைப் பல்கலைக்கழகத்தில் நுழைவுத் தேர்வு மூலம் ஏற்கெனவே பி.ஏ. பட்டம் முடித்தவர். இப்போது எம்.ஏ. முதுநிலை பட்டப் படிப்பையும் முடித்துள்ளார். விழாவில், பட்டம் பெற்ற அவர் கூறியதாவது:
அந்தக் காலத்திலேயே படிக்க வேண்டும் என்ற ஆசை இருந்தது. ஆனால், குழந்தைகளைக் கவனிக்க வேண்டும், வேலைக்குச் செல்லவேண்டும் என்பதால், பட்டப் படிப்பை மேற்கொள்ள முடியாமல் போனது. அரசுப் பணியிலிருந்து ஓய்வுபெற்ற பின்னர், திறந்தநிலை பல்கலைக்கழகத்தில் இளநிலை பட்டப் படிப்பை முடித்து இப்போது எம்.ஏ. முடித்திருக்கிறேன். அடுத்து, சட்டப் படிப்பை (எல்.எல்.பி.) மேற்கொள்ள வேண்டும் என்ற ஆவலில் உள்ளேன். படிப்பின் மீதான ஆர்வத்தை யாராலும் குறைக்க முடியாது என்றார் அவர்.

Comments

Popular posts from this blog

சிந்தனைச் சிதறல்..

மனம் ஒருமுகப்பட.. *காற்று ஒருமுகப்பட புயலாகிறது! மேகம் ஒருமுகப்பட மழையாகிறது.!  நீர் ஒருமுகப்பட நதியாகிறது!  நதி ஒருமுகப்பட கடலாகிறது!  மனம் ஒருமுகப்பட வெற்றி உருவாகிறது!  உங்களைக் கையாள மூளையைப் பயன்படுத்துங்கள்! மற்றவரைக் கையாள இதயத்தைப் பயன்படுத்துங்கள்!  இதயத்தைக் கவர்ந்துவிட்டு, எதைச் செய்தாலும், அது இணக்கமாகவே இருக்கும்.  வாயில் உதிரும் வார்த்தைகளை விட இதயத்திலிருந்து உதிரும் வார்த்தைகளால் அன்பு மலரும்! அன்பே ஆனந்தம் தரும்.*_ கோபம் ஒரு சுயதண்டனை, அடுத்தவர் செய்த தவறுக்கோ அல்லது அடுத்தவர் தவறு செய்திருக்கலாம் என்ற நிலையிலோ நமக்கு நாமே கொடுத்துக் கொள்கிற தண்டனைதான் கோபம்!  கோபத்தில் நடிப்பிருக்கலாம்! துடிப்பிருக்கக்கூடாது!*_  *உறவுகள் கூட நிலவைப் போன்று தான்..!* *"தூரத்தில்" இருக்கும் வரை* *ரசித்துக் கொண்டாடப்படும்..!!* *எதிர்பார்ப்பை* *குறைத்துக் கொள்ளுங்கள்..!* *ஏமாற்றத்தால் சோர்வடையத்* *தேவையில்லை..!!* *அன்று "வயதைப்"* *பார்த்து வந்தது..* *இன்று "வசதியைப்"* *பார்த்து தான் வருகிறது..!!* *"மரியாதை"* *செல்லும் பாதை*  *சரியானதாக இல்லாத போது..*

அமைதி..

நாட்டில் அவ்வப்போது ஏதாவது போட்டிகள் நடத்தி வெற்றி பெறுபவர்களுக்கு சன்மானம் அளிப்பது அந்த மன்னனின் வழக்கம். ஒரு முறை அமைதி என்றால் என்ன என்பது குறித்து தத்ரூபமான ஓவியம் வரைபவர்களுக்கு மிகச் சிறந்த பரிசு வழங்கப்படும் என்று அறிவித்தான். இதையடுத்து நாட்டின் முன்னணி ஓவியர்கள் அமைதியை பிரதிபலிக்கும் வண்ணம் தத்ரூபமான பல ஓவியங்களை வரைந்து அரண்மனைக்கு எடுத்து வந்தார்கள். மன்னன் ஒவ்வொரு ஓவியமாக பார்வையிட்டுக் கொண்டே வந்தான். அமைதியை ஒவ்வொரு ஓவியரும் ஒரு மாதிரி பிரதிபலித்து இருந்தார்கள். ஒருவர் அழகான ஏரியை வரைந்திருந்தார். ஒரு அழகிய மலையின் அடிவாரத்தில் அந்த ஏரி காணப்பட்டது. மலையின் பிம்பம் ஏரியில் பிரதிபலித்து பார்க்கவே ரம்மியமாக இருந்தது. மற்றொருவர் மலர்களை வரைந்திருந்தார். பார்த்தவுடனே பறிக்கத் தூண்டும் வகையில் அம்மலர்கள் தத்ரூபமாக இருந்தது. இப்படி ஒவ்வொருவரும் அமைதியை தங்களுக்கு தோன்றியவாறு ஓவியத்தில் பிரதிபலித்திருந்தனர். ஒரு ஓவியத்தில் ஒரு மலையின் மீதிருந்து ஆக்ரோஷமாக கொட்டும் நீர்வீழ்ச்சியின் படம் வரையப்பட்டிருந்தது. அதுமட்டுமா இடியுடன் மழை வேறு பொழிந்து கொண்டிருந்தது. இது அமைதியே அல்ல.

படித்ததில் பிடித்தது..

 கடவுளிடம் ஒரு விவசாயி கடுமையாகச் சண்டைக்குப் போனான். ”உனக்குப் பயிர்களைப் பற்றி என்ன தெரியும்? நீ  நினைத்தபோது மழையை அனுப்புகிறாய். தப்பான சமயத்தில் காற்றை வீசுகிறாய். உன்னால் பெரிய தொந்தரவாக இருக்கிறது. பேசாமல், இந்த வேலைகளை விவசாயி ஒருத்தனிடம் ஒப்படைத்துவிடேன்!” என்றான். கடவுள் உடனே,  “ அப்படியா? சரி.  இனிமேல் வெளிச்சம், மழை, காற்று எல்லாம் உன் கட்டுப்பாட்டிலேயே இருக்கட்டும்” என்று வரம் அருளிவிட்டுப் போய்விட்டார். விவசாயிக்கு சந்தோஷம் பிடிபடவில்லை. அடுத்த விதைப்பிற்கான பருவம் வந்தது. ”மழையே பெய்” என்றான். பெய்தது. நிறுத்தச் சொன்னபோது,  மழை நின்றது. ஈரமான நிலத்தை உழுதான். தேவையான வேகத்தில் காற்றை வீசச் செய்து,  விதையை தூவினான். மழை, வெயில், காற்று எல்லாமே அவன் சொன்ன பேச்சைக் கேட்டன. பயிர் பச்சைப்பசேல் என வளர்ந்தது. வயல்வெளியைப் பார்க்கவே மிகவும் ரம்மியமாக இருந்தது. அறுவடைக் காலமும் வந்தது. விவசாயி ஒரு கதிரை அறுத்தான். அதனை உதிர்த்து, திறந்து பார்த்தான். அதிர்ந்தான்.. உள்ளே தானியத்தைக் காணவில்லை, மிகச் சிறிய பதர்தான் இருந்தது. அடுத்தது, அதற்கடுத்தது என்று ஒவ்வொரு தானியக்கதிராக வெட்டி