Stay at home..

கிட்டத்தட்ட அரசாங்கம் அடுத்த கட்ட நடவடிக்கைகள் எடுக்கப் போயிட்டாங்க.

இனிமேல் உங்களை கை கழுவு ன்னு எல்லாம் யாரும் சொல்லப் போறது இல்லை.

மூன்றாவது கட்ட ஆட்டம் ஆரம்பம் ஆயிடுச்சு.

தனியார் மருத்துவமனையில் டெஸ்ட் பண்ண இப்ப அனுமதி கொடுத்து இருக்காங்க. இன்னையில் இருந்து யாருக்கும் வெளி நோயாளிகள் அப்பாயின்மெண்ட் கிடையாது.

காரணம் இல்லாமல் நீங்க எந்த மருத்துவ மனை படியையும் மிதிக்க முடியாது. கார்ப்பரேட் ஆபிஸ் மாதிரி பல கேள்விகள் கடந்து தான் உள்ளே வரமுடியும்.

அப்போல்லோ வில் இரண்டு ப்ளோர் கொரோனா வார்டுக்கு ஒதுக்கப் பட்டு இருக்கிறது.

அரசாங்க மருத்துவமனையில் கூடுதல் படுக்கை வசதிகள் அவசரமாக ஏற்படுத்தும் பணி நடந்து கொண்டு இருக்கிறது.

இதற்கு மேல் உங்களை காத்து கொள்ளும் ஆயுதம் உங்கள் கைகளில் மட்டும் தான் இருக்கிறது.

#stay_at_home

நீங்களும் யார் வீட்டுக்கும் போகாதீங்க. உங்க வீட்டுக்குள் யாரையும் வர விடாதீங்க.

வீட்டுக்குள் ஆளுக்கு ஒரு மூலை செலக்ட் செய்து படுக்கை போட்டுக்கோங்க.

பெரியவர்களுக்கு ஒரு அறை கொடுத்து அவங்களை அந்த அறைக்குள் இருந்து வெளியே வர விடாதீங்க. அங்கேயே நடமாட்டம் கட்டுப்படுத்துங்கள்.

இருபது வயது ஆட்களை அறுபது வயது ஆட்கள் கூட சேர விடாதீங்க.

அறுபது வயது ஆட்களை நாம காப்பாத்தி ஆகனும்னா வீட்டுக்குள் இதை எல்லாம் செய்து தான் ஆகனும்.

இன்னைக்கு இருந்து அத்தியாவசிய தேவைக்கு தவிர மீதி யாரும் வெளியே வர நினைச்சு கூட பார்க்காதீங்க.

வெளியே எந்த விஷயம் நடந்தாலும் எட்டிப் பார்க்காதீங்க. குதிரைக்கு கடிவாளம் கட்டின மாதிரி வீடு விட்டு வெளியே போகக் கூடாதுன்னு மட்டும் தான் எண்ணம் இருக்கனும்.

அரசாங்கம் சொல்லி அதை எல்லாம் செய்ய ரெம்ப லேட் ஆயிடும். பொறுப்புள்ள குடிமக்களாக நாம நாளைக்குப் போடுற தடை உத்தரவு ஒரு மாத காலம் கடைப்பிடிப்போம் என்று உறுதி எடுத்துக் கொள்ளுவோம்.

இது மட்டும் தான் நம் கையில் இருக்கும் ஒரே ஆயுதம்.

இந்த ஒரு மாத காலத்தை தவற விட்டு தான் இத்தாலி இன்று இந்த நிலையில் உள்ளது.

இதைக் கடைப்பிடித்து தான் சவுத் கொரியா நோயாளிகளை குறைத்து இந்த நோயை வென்று உள்ளது.

இனிமேல் நமது வீட்டில் உள்ளேயும் தொடர்புகள் எல்லாம் இணைய வழி நடக்கட்டும். இணைய வழி தொடர்புகள் உறுதி செய்வோம்.

பிஎஸ்என்எல் ஒரு மாத காலத்திற்கு இலவச இணைய வழி சேவை கொடுத்து உள்ளது.

இணையம் பயன்படுத்துவோம்

நலமாக இருப்போம்

#stay_at_home