TODAY'S THOUGHT..

லண்டனில் கர்ப்பிணி பெண்மணி ஒருவர் தன்னுடைய வயிற்றில் இருந்த சிசு கொஞ்சமும் நகராமல் இருப்பதை இரவில் திடீரென்று உணர்ந்தார்.பதறிப்போன அவரும் அவருடைய கணவரும் உடனே மருத்துவரை அணுகினர்.மருத்துவர் பரிசோதித்துவிட்டு காலையில் ஸ்கேன் செய்து பார்க்கலாம் என்றும்,சிசு கர்ப்பப்பைக்குள் வட்டமடிக்காமல் இருந்தால் அது உயிருடன் இல்லை என்பதாகவே தனக்கு படுவதாக கணவரிடம் மட்டும் ரகசியமாக சொல்லிவிட்டு மனதை திடப்படுத்திக்கொள்ள சொல்லிவிட்டார்.

குழப்பத்துடன் வீடு திரும்பிய கணவன் மனைவிக்கு விஷயத்தை சொல்லாமல் கொஞ்சம் அவளுடைய மனநிலையை மாற்ற டேப் ரிக்கார்டரில் ஒரு பாடலை போட்டுவிட்டார்.தன் வேதனையை வெளிக்காட்டிக்கொள்ளாமல் மனைவியின் அருகில் கண் மூடி அமர்ந்திருந்தார்.திடீரென்று தன் மனைவி தன் தோளை தொட்டு உலுக்கவும் கண்ணை திறந்தார்.மனைவி ஆனந்த கண்ணீரோடு சிசு கர்ப்பப்பையின் உள்ளே தற்போது நகர்வதாக சொல்லவும் உடனே மறுபடியும் மருத்துவமனைக்கு இருவரும் பயணப்பட்டனர்.

மீண்டும் பரிசோதித்த மருத்துவருக்கு பயங்கர ஆச்சர்யம்.அவரும் சிசு நகர்வதை உறுதி செய்தார்.எல்லாவற்றையும் ஒன்றுவிடாமல்  விசாரித்தார்.குறிப்பிட்ட பாடலை கேட்டவுடன்தான் குழந்தை நகர்ந்ததை உணர்ந்த அவர் அந்த இசையமைப்பாளரை தெய்வம் என்று வாயார புகழ்ந்தார்.

குழந்தை நல்லபடியாக சிறிது நாட்கள் கழித்து பிறந்தது.அந்த தம்பதியினர் நேராக அந்த இசையமைப்பாளர் வீட்டுக்கு வந்து அவர் காலில் அந்த குழந்தையை போட்டு ,அவர்களும் அவர் காலில் விழுந்து ஆசி வாங்கி சென்றனர்.....

அந்த பாடல் தேவாரம்.....!

அந்த இசையமைப்பாளர் இளையராஜா.....!